استمتع الآن معنا بحضور دورة الفارماكولوجى بعيون مختلفة مع دكتور أحمد الجويلى
المحاضرات سوف تشمل كل الأجزاء الهامة فى هذا العلم .. علم الدواء .. و أجزاء أخرى أيضا تتميز بالحداثة و مواكبة الأحداث
مثل التعرف على أحدث أدوية الضغط
Aliskiren
و التعرف على أحدث مجموعات علاج مرض السكر
DPP-1 inhibitors
كل هذا و أكثر سوف تتابعونه معنا , فقط عند حضوركم دورة الفارماكولوجى بعيون مختلفة
إلى اللقاء هناك
تابعونا يوميا مع تدوينات و مفاجآت جديدة
هناك ٥ تعليقات:
جهد خرااااااااافي واتمنى لك التوفيق والى الامام
اعتقد ان صيدلي سيحضر هذه الدورة حتفرق معاه طول حياته
السلام عليكم
أنا صيدلانية دفعة 86 صيدلة القاهرة يعنى قربت من ربع قرن تخرج وطبعا نسيت الفارما رغم انى املك صيدلية وامارس المهنة,دورة زى دى فعلا مطلوبة بعد هذة المدة و رغم انى أخذت دورة كلينيكال و الأسعافات الأولية ال ان الواحد محتاج فعلا مراجعة للفارمالأنها هى الأساس ,واضح منالفلاير ان الدورة مميزة فعلا وتتميز بالأسلوب العصرى لأن احنا اتعلمنا بالطريقة القديمة الكلاسيكية,ياريت بقى دورة فى القاهرة فى أقرب فرصة
أهلا بيكى يا دكتورة عزة ..
كلامك بالفعل هو السبب اللى خلانى أعمل الدورة دى ..
و انا ما عنديش أى مانع من عمل الدورة دى فى القاهرة بس حتبقى على فترة أطول و عدد ساعات أكتر فى اليوم .. كمثال مثلا .. لمدة 8 أسابيع , فى أيام الجمعة فقط .. كل يوم 5 أو 6 ساعات .. ده بس عشان خاطر ظروف السفر و كده ..
لكن على وعد بتكرار الدورة , .. و كل المطلوب من حضرتك عمل دعاية مناسبة بين معارف حضرتك و أصدقائك , و إذا وجدتى العدد المتحمس مناسب (عشرة فأكثر) , أنا جااااهز فى أقرب وقت ..
ملحوظة .. ما تقلقيش من طول فترة الاستيعاب , لأنها تعتمد على طريقة الشرح اللى ان شاء الله مش حتتعب المخ خالص ..
و تليفونى مع حضرتك .. و السلام
دكتور .. أحمد الجويلى
شكرا يا دكتور أحمد على الرد وشكرا أكثر على استعداد حضرتك وتحمسك لفكرة الدورة فى القاهرة وسوف أحاول جمع بعض الزملاء ودة طبعا بعد رمضان كل سنة وحضرتك طيب ولو حضرتك نويت على هذة الدورة ممكن نعمل لها كمان دعاية على الفيس بوك من دلوقتى علشان كله يستعد لأن هذة الدورة ممكن تكون مفيدة جدا للى لسه بيدرسوا وحتساعدهم على اسيعاب الفارما بشكل سهل من الأول وخصوصا انها من منظور صيدلى مع احترامى الشديد لكل الأطباء بس طبعا لازم اتحيز للصيادلة لأن فعلا الصيدلى اللى فاهم فارما كويس يقدر يثبت وجوده فى الوسط الطبى ويكون مميز بل وينافس الأطباء فى جميع التخصصات
أفتكر ان نظام المواعيد اللى حضرتك ذكرته حيكون مناسب لأغلب الناس
بالتوفيق ان شاء الله
و حضرتك بألف صحة و سلامة و ربنا يبلغنا رمضان على خير
توكلنا على الله يا دكتورة عزة
أنا مستنى مشاركات حضرتك هنا عن نشاطك على الفيسبوك مع معارف حضرتك و دعايتك للدورة .. و مستنى برضه تبلغينى بالأعداد اللى ناوية تحجز .. ممكن نبدأ زى ما حضرتك بتقولى بعد رمضان , .. و ليكن مثلا ابتداء من نصف شهر يناير القادم .. الميعاد مش بعيد ولا حاجة زى ما ممكن ناس كتير تفكر .. لكن هى الفكرة عشان الإعداد لها يكون مناسب كفاية ..
و بررررضه ما عنديش أى مانع من إن الدورة تكون أقرب من كده بشرط واحد إن يكون عدد المشتركين (المؤكدييييييييين) يكفى للبداية بسهولة .. 25 فأكثر على سبيل المثال .. و بالنسبة للسنتر فهو مش مشكلة خالص .. ده ممكن يتدبر بسهولة بإذن الله ..
ع العموم فيه فعلا جروب ع الفيس باسم الدورة بس للأسف الفيس عندى ما بيفتحش بقى له فترة مش عارف ليه .. المهم نبدأ احنا الشغل و انا فى انتظار الأخبار من حضرتك
دكتور أحمد الجويلى
إرسال تعليق